gunahon ka nahin prem ka devta...

Ek writer jab chahe kisi ko hansa sakta hai or jab chahe rula sakta hai. yahi khasiyat hoti hai ek achche writer ki. haal main hi maine Shree Dharmveer Bharti ji ka novel "gunahon ka devta" padha. shayad pehli baar pyar ki sahi paribhasha mere samajh main aai hai.
novel main unhonne jo charector liye hain ve aajtak mere dimag par havi hain. is novel ko padhne wala shayad hi koi shakhs aisa hoga jo roya na ho. novel ke charecter Sudha or Chandar aapke dil-o-dimag main kuch is tarah utar jate hain, jaise ye unki nahin aapki kahani ho.
pata nain Bharti ji ne kish mood main is novel ko likha hoga. ek baar padhne ke baad ise dobara padhne ki ikcha hoti hai. ek insaan jo kisi ko itna chahta hai ki uski khushi main hi apni khushi samjhe ye bataya hai Bharti ji ne. Sudha ki shaadi ke baad Chandar logon ki baton mian aaker kaise galat raaste par jata hai. uske baad Sudha ki mout ke samay wah phir se sudhar jata hai. pehli baar main us prem ko padha jo sirf Bhagwan hi kar sakta hai, insaan ke bas ki baat nahin hai.
kaash ki dunia main log aaisa pyar kar pate to dunia kya se kya hoti... main manta hoon ki ye sab kitabon ki baten hain par hum aaisa prem karen to shayad prem hi prem reh jay dunia main. prem ka matlab sirf pana hi nahin hota hai, khona bhi to pyar hai! or jo pane ki tamanna rakhte hain wo pyar nahin karte... khair Bharti ji aaj janhan bhi hon main unko pranam karta hoon.........

yun hi nain bane hain Jagjit...

satarday ki shaam ka mujhe us sin se intzar tha jis din maine Ghazal King Jagjit sinhg ji ke show ka tickit kharida tha. jab 7.30 p.m. ko main nehru centre gaya to, ek ajeeb si khushi dil main thi. 8 p.m. par Jagjit ji ne Ghazal gana shuru kiya. pehli Ghazal thi "ye inayten gazab ki, ye bala ki meharwani..."
iske baad jo dour chala to raat 11 baje tak chalta raha. such kahoon to Jagjit ji ko sunne ke baad kisi dusri hi dunia main chala jata hai. jab aap cd ya dvd main sunte hain tabhi ek ajjeb sa ehsaas hota hai, phir saamne sunna to or hi baat hai.

aaj bahut dukh hua

Subah jab mainne aankhen kholin to T.V. on karne mann hua. jaise hi T.V. chalu kiya to ek hi story sabhi channals par thi ki Gujrat main Badodra ke paas ek bus nadi main ja giri, jismen 55 bachchon ki maut ho gai...
ye khabar sachmuch dil dehla dene wali thi. isliye kyonki savaal bachchon ka tha. mujhe dukh hua un masoomon ki mout ka jo exzam dene ja rahe the. par unhen ye nahin pata tha ki ye unki zindagi ki hi aakhri pariksha hogi...
vahin mujhe gussa aaya Gujrat Rajya Parivahan par jinke paas itni khastahaal buses hain ki kabhi bhi, kahin bhi, koi bhi haadsa ho jai. dusra ye ki buses main zaroorat se jyada savariyan bhar di jati hain. prashasan ko is baat ka khayal rakhna chahiye ki buses ki condition ko thik karen or andhadhund savariyan bharne walon par action len...
logon ki mout ke baad rahat rashi ki ghosna kar dene se unki zindagi vapas nahin aa jati hai. na hi unke pariwar walon ke dilon rahat milti hai. jiske pariwar ka sadasya chala gaya ho unhen chand paise kya rahat de sakte hain...?

my frist blog...

har gham main muskurana or vishwas ka daman na chhodna hi ZINDAGI hai...